#EmineBulut

     Bir ana, bir həyat yoldaşı, bir qadının daha ölümünə şahid olduq.
      Qızının və özünün yaşamı üçün parlaq gələcək qurma xəyalları içində olarkən, heç gözləmədiyi bir anda, boşandığı "insan" onu boğazından bıçaqlayaraq, bütün parlaqlığını əlindən aldı. 10 yaşlı qız isə anasının ölümünü izləməyə məhkum buraxıldı.
         Ədalət və həqiqi insanlıq hisslərindən çox uzaqdadır artıq planetimiz. Əsəb, qısqanclıq adlı məfhumlar artıq sadəcə hiss deyil, həm də asan cinayət səbəbləri olaraq göstərilib, qəbul edilə bilir.
    Hər bir insanın azadlığı, digər insanın azadlığının başladığı yerdə bitir. Heç bir kəs, başqa birinin öz həyatı üçün aldığı qərarları nəyinki cinayət halına yüksəltmək, hətta müdaxilə belə etmək hüququna sahib deyil.
       Yaşamınızda nələr baş versə belə, düşünərkən, qərarlar verib və onları icra edərkən mərhəmət, sevgi və sülh hisslərinizi əsla əlinizdən buraxmayın.
     
                          İNSANLIĞA ƏDALƏT!